Kabootar ki Pehchan Complete Guide

Comments · 60 Views

Yeh Shok Kabootar Parwari jis sy Munslik ha uski Pehchan huna Sub sey Ahm ha. Aj Mein Ap sub Bhaio ko Kabootar ki Pehchan kay hawaly sy jo Mery Ilm mein thora Bohat ha batawon ga

Ap Bhaiyo key sath Share karna chahta hun. Yahan MASHA ALLAH Bohat well experienced Dost bhi hain or Mujh sy behtar ilm rkhty hyn. Mein woh btana chahta hun jo k Mein Kabootar ko parkhty wat khud daikhta hun.

kabootar ko parakhty wqt chand ehm batain:

Har kabootar parwar kay zehan mein Kabootar ki parakh ky mutalik kch swal oth ty hain or jo janwar In sawalo mein pass hugya woh kabootar Yakenan Apni Pehchan krwa gya.Jo Kabootar In Khubiyo ka Hamil huga koshish kryn Woh Kabootar select Kryn.

Kabootar ki parakh kay wat in cheezo ko Mady nazr rkhna Chahye.

1)Body Structur

2)Ankh, Palak

3)Paar

4)Jor

5)Haadi

6)Pusht

7)Dum

8)Nok, Nakhun

9)Panj

10)Kunda

kabootar kay Body Structure

*Kabootar ka jism Slide ki Manid ho *Jub Kabootar zameen py khara ho to kabootar ka seena agay ko Ubhra hua chori chati *Dum ki trf ka hissa zameen k sth Igta ho. *Jub kabootar parkhna ho kabootar ko pehly chor kar dekhy Kabootar ki Chaal Dhaal. *Jub khara ho to Shehnshai style mein ho kabootar. *Jub chalay to Apney panjy ka pichlay anghoty py wazn kam rkh k chly. *Chori chati or gol chati dunu Kamyab ha. *Kabootar dikhny mein jismani lehaz sy bilkul stable ho. *Unstable jism ka kabootar koshish kryn mat othaye. *Woh kabootar othayen jo Nazr ko acha Igy Then pkr kr baqe Khubiyan dekhyn Pehly kabootar ko chor k us ki chaal dhaal dekhy. Uski chaal dhaal sy he Apko jwb milega bus thora gherai mein ja k smjhy usko

Woh aik Punjabi Misra ha bohat acha "sohnay pootar ty maanwa diya jholiya ch he nazr ajndy nay

Yeh kisi ny aisy he nahi keh diya. Yeh bht Mtib ka hamil Misra ha. Jo janwr Dum jhoka kay kuub nikal k khara ho woh kabootar leny sy gurez kryn

Ankhain

Ankh Aik aisa hissa or Noor hai jis sey Duniya tasawari dekhi jati hai.Allah ki Aik bohat bari Neemat hai Insano mein ho ya Janwaro mein. Aj Kabootar ki Ankh kay baray mein zara tafseel say Batanay Ja raha raha houn.Kabootar kay Baqe Hissay bhi apni jaga Khubiyan rekhtay hain lekin Ankh in sub Hisso Main Ehm hissa taswar kiya jata hai.

#Ankh say kabootar ki Siyan ka Andaza. lagaya ja sakta ha.

#Kabootar ki wapsi per bhi ankh Madad kerti ha.

#Nasal ki Pehchan Mein bhi Ankh Aik Ehm Juzv hai.

#Parwaz ka bhi Kahi na Kahi Taluk is Keemti tohfa ankh sy he ha.

Rings of Eye

1st Ring 2nd Ring 3rd Ring 4th Ring

5th Ring 66th (Yeh Ring nahi samjhanay kay liye picture mein 6 number pay Palak hai) Kuch Picture Net sey Ly kar Meine explain kerney ki koshish ki ha yeh Pictures Jis bhaio ki ha Mind na karyn meine Bus Samjhany k liye Istamal ki hain.

1st Ring

Kabootar ki Ankh kay First Ring Jisko Till ya Noor bhe Kehtay hain. Till jitna Braeek ho utna he acha ha.Bareek Till ka janwar Buland parwaz kay sath andheray mein Bakhubi bethnay ki Salaheyat Rakhta hai. Till ko Jub Suraj ki roshani mein dekha jaye to Till agr Zoom out ya zoom in kery to Yeh Aik achay Parwazi kay sath sath Achay Breeder ki Bhi Nishani hai. Till ka Jhukao ager Chonch ki tarf hai To Woh kabootar Behad siyan ki salaheyat kay sath Chalak hunay ka pukhta Sabut hai. Jis kabootar ka Till Nichay ki tarf jhuka ho woh janwar Band parwaz ki Salaheyat ziada rakhta ha. Mota Till ka janwar hargiz na othayen wesa janwar Aqal say Paydal hota ha. Till darmyan mein ho to behtar ha ,chonch ki tarf jhukao ha to bhi theak ha lekin till centre point sy pichay ko na ho. Jab kabootar urta ha or andhera barhta ha to yeh Till phaylnay lag jata ha or Jis kabootar ka pehlay sy mota huga usky ghar anay kay chances bohat kam hotey hain .Ap wesay bhi Suraj mein dekhay gy Till kuch or trha dikhy ga jesay he saya dar jaga kar kay dekhy gay Till thora phayl jaega. Is liye Us janwar ki Selection kareyn jiska Till Bareek ho or Is mein Chamak ho. Suraj ki roshni mein dekhay to Chamaky or Bhooja hua Till ka janwar koshish karyn Kay Mat select karyn. (Picture mein Number 1 yeh ring ha)

2nd Ring

Yeh Ring thek Till kay Bahir Hota ha or Yeh Nasal kay Hisab sey Alag colour mein hota ha (ferozi,silver,grey,white, mayla,zameeni,surmai ) Rang Mein hotey hain. Yeh Ring ki bnawat jitni Gehari or Clear hugi Utna acha ha or Yeh Nasal mein mukamal hunay ko show karta ha is Ring say show hota ha kay Maan ,baap jis Nasal sey taluk rkhtay they woh apni Nasal mein Aik haad tak pure they.Jesay jesay crosses hota jaegy Is ring Opacity(Gehrai) kam hoti jaegi ring bareek hota jaega aik time ayega bacho mein yeh bilkul khatam hujaega. Yeh Ring Mukamal ho to bohat behtar ha kisi janwar mein yeh kuch jaga sey Dark or Kucha hissay sey light hota ha.Aisay Janwar Select kr skty hein leikn aik Parwaz ki hadd tak ager pair dalna ha to sath waala janwar Poora mukamal houn warna bachay sirf parwazi to hugy lekin Breeder nahi. Yeh Ring Phatta hua Bay dhaang sa na houn Till ka sath Mix mat houn Yeh alag wazay tor par nazar ana chahye. (Picture mein Number 2 yeh ring ha)

3rd Ring

Yeh Ring 2nd Ring kay Baad Hota 2nd or 4th ring kay darmyan mein.Lekin yeh Ring Bani hui Ankh mein he hota ha Ziada tar Purity blood mein 1st, 2nd, 4th, 5th Ring hotay hain. For example Is di gai tasweer Mein Pure white ankh mein 3rd ring dhundna Mushkil hujta ha Pure Anari Ankh mein bhi yeh ring nahi milta lekin Ghabrany ki Baat nahi hoti yeh jesa kay meine Pehlay Zikar kiya Jo ankh Kuch Blood sy mil kay bani ho is mein wazay hota ha Sufaedi Rang mein amuman hoti ha gulabi rang mein bhi paya jata ha halka whitish blue bhi rang mein bhi hota ha .yeh Ring kabootar ki parwaz kay Asaar Or bhi wazay tor py bata dyta ha. Mein phir sey keh raha hun kay kuch Colour ki eyes mein yeh ring dhundna ya to hota nhi ya gor sy dekhnay mein milta ha Pictures mein Aik bgaer 3rd Ring wli or aik 3rd ring mojud wali ha.

4th Ring

Yeh ring Nahi as name isko Ring Kaha jata ha Basically Yeh kabootar ki Ankh ki zameen hoti ha. Is zameen kay Colour ki Madad sey Hum Nasal ko asani sey Parakh sakty hain .Is zameen ka Colour Nasal kay hissab sy alag alag hota ha Jesay Teddyo mein sufaid,gulabi or kasuri mein Red pai jati ha aisy he baqi naslo Ki apni apni zameen ka colour different paya jata hai. Zameen achi ho. Kuch Dost hazrat Plan Ankh ziada pasand kartey hain or kuch Dost Zarray daar Zameen wali ankh ko ziada Pasand kartey hain.Dunu apni apni jaga Sahi hain. Mery apney tajarby or ilm kay Mutabik zameen Plan bhi achi ha zaray dar. Lal ankh mein zaray mojud hunay chahye zarro ki bharmar houn or sufaed ankh sy bani ankho mein plan or kam zaray bhi chal jatey hain. Zarro ka concept is liye bhi diya jata ha kay kabootar jub urta ha to sooraj kay samnay jub parwaz karta ha to Kabootar ko bhi Paseena ata ha or jesa Insan dhoop kay agay khara hota ha tou Munh lal hujta ha aisy he ankh kay ander ki zameen lal huny lagti ha or jo ankh pehlay sey lal hugi ahesta ahesta garmi havi hoti hui kabootar ko pagal kr dyti ha or kabootar girnay pey majboor hujta ha.Jis ankh mein zarray hain jub us mein paseena ata ha tu Zarray us paseenay ko Bakhubi Jazb krty hain kabootar ko mazeed parwaz kay liye upar asman ma khara rakhtay hain. Or jahan tak baat ha sufaid ankh ki yeh zara Dayr sy Lal huna start hoti ha or sufaed ankh ki poori zameen he sufaed hugi to Usko Zarro kay bgaer bhi mushkil nahi hugi.is liye meray apnay tajarbay kay mutabik ager lal ankh othany hain to koshish kryn zarray dar ankh ho or Sufaed ankh mein zarray amuman kam paye jatay ha woh ankh plan bhi chal jati ha. Mayli, ferozi ankhain thandi hoti ha in mein wesay he zarro ki bharmar hoti ha inko cross k liye isliye he chunna jata ha kabootar pagal na ho us mein siyan or kuch khamiyo ko poora krny k liye selection ki jati ha.

5th Ring

Yeh ring ankh k akhri hissa mein hota ha .Sar kay Ball(hair) jitna bareek hota ha . Yeh Ring Nasal kay hisab sey Alag alag Colour mein hota ha .Mayroon,grey, silver, surmai,mael zada, ferozi blckish yeh dekhnay ko milty hain. yeh kabootar ki Wapsi ko show karta or kuch dosto ki aitfaq raye ha kabootar ki health condition ko show karta hai is andaza lagaya jata hae kabootar asmaan sy niklta waqt kis haad tak fresh feel karta hai. Meray Nazdeek or kuch or ustad hazrat ki aetfaq raye yeh bhi ha k Kabootar jub palak Jhapkta ha to yeh ring ankh band huny k sath band hota ha or jo Parwaz kay dooran Pollution gard mitti hoti ha ankh sey kay darmyan sy nikal kay bahir nikal dyta ha .Jub kabootar Palak jhapkta ha yeh ring bhi sath he move kerta hai. Ager yeh Ring mojuud na ho to kabootar ki ankh gard, mitti sy diturb hugi kabootar proper deyhan nahi dey paega or aik waqt ayega woh Tang a kar ya to nichay ka rukh krey ga ya bhaag jaega .Kabootar Breeder ho ya flyer yeh ring huna bohat he Ehm ha.

Palakain

Kabootar ki palkain ankh Mein shumar to nahi hoti hain Lekin Ankh kay Theak Upar Palak ka Pehra hota hai.Palako kay rang har nasal kay hisab sey alah alag hotey hain. Kisi ki Ferozi,momi,grey,gehri etc rang paye jatey hain.Palak ka Rang Jesa bhe ho lekin Palak ki Banawat Achi honi chahye.

#Palak ki banawat Coin kay corner ya Arri (Lakri katnay wli ) usky munh jesi ho Arri ya coin kay border ki tarha Shape huni chahye.

#Budhi ,latki hui palak na ho.

#Palak or kabootar ki ankh ki zameen ka rang or palak kay bahir ka mass aik rang mein houn to both acha hai.

*# Sandhuri palak Kam pai jati hai lekin sandhuri palak wala janwar bohat sakhti ka hamil hota hi

Sandhuri means Palak pey red shades aik pic net sey ley kay show ki gai ha.(PIC 2)

kabootar kay paar

Assalamulaikum/SSR/Hello Umeed ha Sub dost khariyat sy hngy.

Ai Dosto Mein Kabootar K PAARO per Kuch Roshni daalo ga. Paar chuu kay Parwaz Mein Ehm Hatyar Hoty hain har parindy kay.

Paaro sy kabootar ka Urnay ka style ,Nasl,Kabootar ki prwaz or wapsi Bhaanpi ja skti hai.

Ab Mein apko btanay ja rha hn Acha Paar kesa huna chahy. MAIN 10 PAAR:::: Har trha kay kabootar Mein har trha ki paaro ki bnawat pai jati ha.

# Paaro ki Teeli Lachkdar huni chahye khaskar akhri 3 paaro

ki Fold hoti ho nokrain.

#8,9,10 Paar straight houn andr ko jhukao ho bhtr ha.

#Amm tor pey Iwa paar 8,10 sy brha hota ha or aam tor py paya jta ha.Ager Akhir kay 3inu paar brabr hain to Its Gold.

# Paar itny bhi lachkdar na houn mazboot teeli ho lekin lachak lazmi ho , Agr bahir kay 3inu paar 8,9,10 Bohat lachkdar hain to kuch he pharko mein us kbtr kay paar mur jaegy or prwaz kay kabil nhi huga urega bhi to time nhi krega.

# Yeh pic Choray or Gol paaro kay jnwro ki select ki ha smjhany k liye or Paaro ki numbering bhi ki gai ha kch dosto ko paar ginana nhi aty unky liye. Gol paaro mein parwaz style thora slow hota ha. 8,9,10 paar kay end ma thora Gape ho to kaabotar Jald

asmaan ka rukh kr leta ha.Amm tor py prwaz kay liye wesi bnawt ziada psnd ki jati ha.

Baglo kay paar

Ab Baglo kay Paaro kay baray mein Zikr krta hn.

#Yeh Paar kabootar ki wapsi or ziada Achy tareky sy homelanding mein Ahm kirdar ada kartey hain.

#Jub kabootar apni prwaz pkrta ha to MAIN 10 paar mein sy Air(hawa) Enter hoti hoti kabootar ki baglo kay paaro ma ajti ha jis sy kabootar easily swim kr skta ha or kabootar ko urnay ma Dikkat nhi hoti. wapsi py jub kabootar Thaka haar hota ha to MAIN paaro mein jaan khtm hui hti ha chuu kay mein zikr kr chuka hun yeh air carry paar hty ha ahesta ahesta landing safe mein ehm kirdar ada krty ha.

#Yeh paar kabootar ko ziada dyr asmaan bnd huny mein bhi bohat Ehm hain khas kar Highflyers mein

#Yeh paar MAIN 1 paar kay sath sy shuru ho k jism ki trf chlty hyn or Curl shape ma hty ha jtny yeh paar ki jism ki trf ziada curl hugy utna he acha.

#In paaro ki Lambai MAIN 3rd Paar kay brabr ho to bohat acha ha,aam tor py to 1,2 MAIN paar jtni Imbai hti ha inki.

#In paaro ka jhukao jism ki trf jtna ho utna he kabootar ko Ghar

Bethna asaan huga.

#Yeh paar Main 1st paar sy jhukao krty huye Kabootar ki body k sath Attach ho Kabootar ki body or or in paaro mein fasla hargiz na ho.

Is Di gai tasweer Mein Baglo kay paaro ko Show kiya gya ha.

Parriyaan

Kabootar ki paariyo Jo k Kabootar kay MAIN paaro mein hoti ha In paariyoon ka Kirdar aisy he jasy Hamary hath ki Haddiya hain or Mass(Skin) ki support sy sy Woh hath ki shakl bn jati ha. Aisy he yeh choti choti paariyaan jo dekhny mein tobohat hakeer or choti nazr ati ha lekin Us Banany wali zaat py Qurban jao us ny kiya Hikmat kay sath Pehly MAIN Paar bnaye or usky upar in paariyon sy un MAIN paaro ko support di Taakay MAIN paaro ka bna hua structure dooran parwaz Hawa sy Bilkul Mutasir na ho.

Tezz Paar

#Yeh paariyan bareek or jtni lambi hugi utna he acha ha.

#In parriyo ka drmyan fasla kam sy kam ho aik dosry k sath yak jaa houn.

#Yeh paariya kabootar kay MAIN paaro ko jaaro sey fully

support mein rkhti hain ager kisi cheez ko support achi na ho woh aik na aik din dag maga he jati ha.

#In paariyo ko kabootar kaat ty wat dyhan rkhy yeh dobara late he ati ha ksii ksi jnwr ki ati he nhi dobara

000000

#IS PICTURE mein paariya show ki gai ha or yeh Masha Allah perfect hain picture wali.

Jor

Ab kuch Baat kartey hain Kabootar kay Joru kay baray mein jo Jaddi or Dum kay darmyan mein hotey hain. Yeh jor kuch janwaro mein khulay hotey hain or kuch mein Band.Kuch Dost hazrat Jor band janwar pasand kertey hian. Unka Manana Yeh ha key yeh pukhta paan ka saboot haeyn kabootar Band joru wala pukhta ziada hota ha Amm tor pey khulay joru walay janwar sy. Isi Mozu Sey kuch Dost Ikhtalafy Raye bhi kertey hain kay jor khulay bhi chal jatey hain. Mein Donu Baato Sey Na aetfaqi Nahi karta Mein just itna btata chalu kay Mein jor kesay dekhta houn.

Pehly to Mein zikar krta chalu Kuch dost ungliyan dal k jor check krtey ha Yeh ha to wesy galt Lekin unki apni samajh hai. #Jor band houn ya khulay Fark nahi parta Jor achay hunay chahye. #Jor totay huye na houn. #Jor unchay nichy na houn dunu hadiyo ki bnawat aik cho agr aik hadi othi ha aik betha ha ya aik hadi narm ha or aik sakht yeh Kabootar kay galt cross ki nishani ha prwaz mein to shaid kuch kam dey jaye breeding k liye aisa janwr mat othayen. #Madiyo mein ziada tar jor narm he paye jty hain lekin jor houn aik bnawat kay jesy k mein pehly zikr kr chuka houn. #Joru ki position Chati haddi kay brabr houn ya haddi sy upar andr wali side p jor Chati ki Haddi sy Nichy ko yani bahir ko nikly na houn.

Panjay

Kabootar kay panjo ka Colour amm surkhi mayel, Gajri paya jata hai.Panjay kay Upar Khushki Wazay Nazar ani chahye lekin kuch janwar Kay panjay oily hotay hain.Panjay Agar Jamni yani Neelay houn to kya he baat hai wesa janwar panjo ka Beyhaad pakka hota ha.Ager panjo ki unglio ya thora upar chotay baal houn 1,2 to aisa janwar bhi Dhoka nahi dyta PICTURE mein blue circle mein chotay paar show kiye gy hain.Kabootar kay panjay kay nichay ki jaga Sakhat ho .Mooti tango or moti ungliyo wala janwar mat othayen Bareek panjay ka janwar select karyn.

Haddii or pushht

Haddi: Kabootar ki chaati ki haddi jis pey kabootar ka sara jism Mambni hota ha yeh aik Nahayat he Ahm Hissa ha .Kabootar ki yeh haddi aisy he ha Jesay kay Aeroplane ka Lower part .Dooran parwaz kabootar ko Tayrnay yani Swim kernay mein ahm kirda ada krti ha or dooran parwaz yeh Front sy parnay wli hawa jo k Nok sy hoti hui Haddi sy hoti hui Joru ko choo kay Dum sy guzar jati ha. Yeh Haddi lambai mein jtni ho utna acha ha .Kabootar kay pichly joru kay jtni qareeb ha utna behtar ha. Jub hawa is haddi per sy guzrti ha to Dum sey pohnchny sy pehly jor aty hain yeh un joru per pressure sy hawa Igny sy bhi mehfooz krti ha.

#Haddi mazboot or teez ho jub kabootar ko hath mein pkray to haddi hath mein chubhan mehsus kry.

#Haddi Mass khori hargiz na ho,yani k gosht is per ziada na ho jtni teez trash ho behtr ha.

#Haddi ki Imbai itni ho kay jor or Haddi ka Drmyani fasla( 1 sy 2) ungli ki motai ka hou is ziada hargiz na ho.

# Haddi ki Shape kashti(Boat) ki trha ho.poot sy thora nichy sy shuru ho k nichy joru ki trf poori Boat ki trha bnawat bnti ho.

#Haddi mulaim ho to behtar ha , Adkhar bech ma sy haddi kay kch hissa adkhar na ho unch nich na ho.

*# Haddi agr choti ha lekin jnwr bqe sub cheezo mein perfect ha tu woh kabootar usi shart mein othayen k usky haddi kay agy jor

haddi k brabr nhi blky upr ho yani hawa bilkul unko touch na kry.Is point py Star isliye Iga ha ky yeh case complicated ha. Is point kay teht agr jnwr bqe chezo mein perfct haddi sy mar khata ha to usky jor us ki kami pooray krty houn lazmi.

Pust ki Haddi : Pusht ki haddi yani kamar ki haddi jesy hamri Backbone ha yeh haddi bhi kabootar ki stability or Parwaz joru mein Kirdar ada krti ha. Jesay insan ki kamar Maa tehat Main part ha aisy he yeh haddi ha jis Insan ki Kamar he jawab dy jave woh kaam k kabil nahi rhta. Amuman dost yeh Haddi nahi dekhty Lekin Mein unko galt nahi keh rha unka parkhnay ka apna Tareka ha lekin mery nazdeek yeh Haddi Nahayat Ehm hai.Janwr Kay jism ka daromadar Is pey bhi Munahsar karta ha. Pusht(kamar) ki Haddi kabootar ki mazboot or straight ho or Dum kay jor or or kamar ki haddi ma fasla na hny kay brabr ho.

Dum

Jesy k ap sub janty hain Dum Kabootar kay wajud ka Ehm hissa ha. Aye is pay bhi zara Gor frmayen

#Asl Mein Dum kabootar ky Tawazun ko Barqarar rkhny mein Bohat ehm kirdar ada karti hai.

Dum dooran parwaz or safe landing mein bhi Bohat Ehm role play krti ha. Kabootar easily dum ki madad sy poora jism ko control or move karta ha.

# Band Dum ka kabootar select karyn jis Kabootar ko hath mein pkry or kabootr Dum ko

samait jaye. (PICTURE 1,2 ko gor sy dekhy aisi dum)

# Dum phayli hui hargez na hojo kabootar hath mein pkrny apni dum khol yani phayla ly us kabootar ko koshish kryn mat othayen woh jnwr daag hta ha.

#Dum ka jor jism kay sath bilkul attached ho or mazboot ho,yeh jor jahan sy dum start hti ha wahan hota ha. Majority nhi dkhty isko yeh compulsory nahi ha.

#Dum ka paar last sy golai shape mein jesy PICTURE No. 3 mein dikhaye gay hain.Straight ya choras shape kay paar hargiz na houn.

#Jub Kabootar ko hath mein pkry woh Dum upar na kryn or na he nichy ko kary blky apni jga py akraa ly or bilkul bnd ho. Is point py kch dost yeh bhi aetfaq raye dyty hyn kabootar dum nichy kry to thk ha lekin upr ko krna kabootar ka bhagoora paan sabit krta ha.

#Kabootar chlta phirta ho aisa Igy 2,3 paaro ki dum ha lekin dekhny mein usky pooray ( 12 paar ) moojud ho.

kuch jnwr Dum Cheer bhi hoty ha jinki Dum ka darmyan ka par Drmyan sy phaata ho ya cutta ho,kch dosto ka view ha is kch frk nhi parta lekin kch dost aisay jnwr ko acha smjhty ha. mery apny nazdeek life mein jo dum cheer jnwr aye acha rzlt wly he thy. Dum cheer kam he jnwr hty ha By nature dum aisi bcho ma nikl ati ha.

Kunday

Kunda Kabootar kay jism ka woh hissa ha jaha sy Uskay Paar ya Pallay ki Bunyaad ha. Bunyaad Jitni achi hugi Building utni Utni he Payadaar hugi. Aisay he kuch kunday ka hisab hai. Aik proper kunday mein yeh khubiyan huni chahye::

#Kunda Mazbooti mein ho #Kunday Mein flexibility huni chahye #Kunday paar ziada Mass(gosht) na charha ho

Kunday ki banawtain Alag alag tareka Mein hoti ha Gol, upar ko otha hua Kunda. #Gol kunda::

Gol ka kabootar Jaty wqt or aty wat samny ziyada time dyta hai #Upar Otha hua KUnda::

Jis janwar ka kunda upar ko otha ho or nokela ho woh kabootar bohat phurti mein hota ha Jal sy nikla nahi kay asmaan band hujta ha or aisa jnwr Saal baad bhi chora jaye Apni rooh taza ker kay he ata ha.